Chin Ramkulh Hluttaw nih Hluttaw Zung thar sak mi pawng ah Yeiktha (khualbuk) 2.5 billion dih in sak mi January 31 ah honnak an tuah.
“Hi khualbuuk honnak ah Rev. Dennis Ngun Thawng Mang nih thawngtha a kan chimh. Rev. Dr. Stephen Lian Hup Ling nih thluachuah a kan halpiak. Chin Ramkulh Cozah tuanvo ngeitu Falam lei tiang in an tling dih. Hi khualbuuk hi ‘Mangtha Khualbuuk’ tiah min kan sak te lai,” tiah Chin Ramkulh Hluttaw Chairman Pu Zo Bawi nih The Hakha Post ah a chim.
Hi khualbuuk hi dot thum sang in sak mi a si. Khual 150 an i tlum. Pyidaungsu khual thar pawl zong an i thum cang lai. Hluttaw Zung thar tu cu Chin Miphun Ni ah honnak tuah si te lai, tiah kan theih.
